ჯანმრთელობის მსოფლიო ორგანიზაციის (WHO) ევროპის რეგიონული ოფისის დირექტორის, ჰანს კლუგეს განცხადებით, კორონავირუსის ახალი ვარიანტი ევროპის 8 ქვეყანაში დაფიქსირდა. ამის შესახებ მან საკუთარ ტვიტერზე დაწერა.

"ეს ვარიანტი, როგორც ჩანს, ახალგაზრდა ასაკობრივ ჯგუფებშიც ვრცელდება, წინა შტამებისგან განსხვავებით. სანამ მისი გავლენის დასადგენად კვლევები მიმდინარეობს, სიფხიზლე მნიშვნელოვანია", — განაცხადა კლუგემ.

14 დეკემბერს ინგლისში კორონავირუსის ახალი ვარიანტი დააფიქსირეს. ჯანდაცვის სფეროს წარმომადგენლები აცხადებენ, რომ კორონავირუსის ახალი შტამი 70%-ით უფრო გადამდებია, მაგრამ არაა დამტკიცებული არის თუ არა უფრო მომაკვდინებელი. რამდენიმე ქვეყანამ კორონავირუსის მუტაციური ვარიანტის გამო ბრიტანეთთან საჰაერო მიმოსვლა შეაჩერა.

21 დეკემბერს კი, საქართველოში ბრიტანეთიდან შემოსული, ან ბოლო 2 კვირაში ბრიტანეთში ნამყოფი პირებისთვის სავალდებულო კარანტინი დაწესდა