ქართული ოცნების აღმასრულებელი მდივნის, ირაკლი კობახიძის თქმით, დღეს რომ ჩატარდეს არჩევნები, მმართველ პარტიას ბევრად უკეთესი შედეგი ექნება, ვიდრე 31 ოქტომბრის არჩევნებში. კობახიძემ განაცხადა, რომ ოპოზიციას საკუთარი ელექტორატს იმედი გაუცრუა.

"მოსახლეობის ნახევარმა მისცა ხმა ოპოზიციას და მათი დამოკიდებულება უკვე არის შეცვლილი იმ ოპოზიციის მიმართ, რომელმაც მათ იმედები რეალურად გაუცრუა. განსაკუთრებით ეს ეხება კონკრეტული პოლიტიკური პარტიების ელექტორატს, რომლებიც, მათი ელექტორატის შეხედულებით იყო ნაკლებად რადიკალური და ხედავენ ისინი დღეს, ეს ელექტორატი ხედავს, რომ ისინი რაღაც რადიკალურ პროცესებში არიან ჩართული. შესაბამისად, დღეს რომ ჩატარდეს არჩევნები, არათუ 48%-ს, მე ვფიქრობ, რომ ქართული ოცნება ბევრად უფრო მეტს მიიღებდა. ზუსტად ამ ქაოსის გათვალისწინებით და არასწორი ნაბიჯების გათვალისწინებით, რაც ოპოზიციის მხრიდან არის გადადგმული", — აცხადებს ირაკლი კობახიძე POSTV-ს ეთერში.

ოპოზიცია 31 ოქტომბერს ჩატარებულ არჩევნებს არ აღიარებს, შედეგებს არალეგიტიმურს უწოდებს და მანდატებზე უარს ამბობს.

11 დეკემბერს, მე-10 მოწვევის პარლამენტის პირველ სხდომას მხოლოდ ქართული ოცნების დეპუტატები ესწრებოდნენ. გუშინ, 24 დეკემბერს, ერთპარტიულმა პარლამენტმა საქართველოს მთავრობა, 85 ხმით 0-ის წინააღმდეგ, დაამტკიცა.

გაიგეთ მეტი: