ოკუპანტების მიერ გატაცებულ ზაზა გახელაძეს უკანონო წინასწარი პატიმრობა 2 თვით გაუხანგრძლივდა. ინფორმაცია ამის შესახებ On.ge-ს სახელმწიფო უსაფრთხოების სამსახურში დაუდასტურეს.

უკანონოდ დაკავებული გახელაძის მეუღლე, ირმა ბუთხუზი On.ge-სთან ამბობს, რომ პატიმრობის ვადის გახანგრძლივების შესახებ მათ სუსიდან აცნობეს. სხვა დამატებით დეტალზე ოჯახი ინფორმაციას არ ფლობს.

"ხუთ თვეზე მეტი გავიდა და დღემდე შედეგი არაფერია. ერთადერთი ის ვიცი, რაც რამდენიმე დღის წინ მითხრეს, რომ ჯანმრთელობის მდგომარეობა ნორმალურია და ბავშვებს კითხულობსო", — ამბობს ირმა ბუთხუზი.

ოკუპანტებმა საქართველოს მოქალაქე, ზაზა გახელაძე კასპში 11 ივლისს გაიტაცეს, მანამდე კი ცეცხლსასროლი იარაღით დაჭრეს. რუსული მხარის მტკიცებით, ზაზა გახელაძემ ცეცხლი პირველმა გახსნა. მათივე თქმით, გახელაძემ ჩვენებაში აღიარა, რომ საოკუპაციო საზღვარი მიზანმიმართულად გადაკვეთა.

გაიგეთ მეტი: ოკუპაციის პირისპირ — ზაზა გახელაძე და ირმა ბუთხუზი