პატრიოტთა ალიანსის ერთ-ერთი ლიდერის, ირმა ინაშვილის განცხადებით, ავთანდილ ენუქიძე პარტიის შემომწირველია და ის თავისუფალია მის ქმედებებში.

"მე — ირმა ინაშვილი, გიორგი ლომია, გოჩა თვდორაძე არ შევდივართ პარლამენტში, ანუ პარტიის პოლიტიკური შემადგენელი არ შედის მეათე მოწვევის პარლამენტში. ბატონი ავთო წლების მანძილზე არის ჩვენი პარტიის მხარდამჭერი, ის არის შემომწირველი ჩვენი პარტიის, აფინანსებდა არჩევნებს, შესაბამისად ის თავისუფალია მის ქმედებებში. მე და პარტიას არანაირი ბერკეტი არა გვაქვს ჩავერიოთ ბატონი ავთანდილის გადაწყვეტილებაში. ჩვენ სხვა სტრატეგიით წავედით. მინდა გესმოდეთ, რომ არავისი ვალი არა გვაქვს ჩვენ არც ხელისუფლების, მმართველი პარტიის, არც სხვა ოპოზიციური პარტიების. ჩვენ ჩვენი სტრატეგიით და ტაქტიკით ვმოქმედებთ და თავიდანვე მთელმა სიითმა შემადგენლობამ დაწერა განცხადებები", — განაცხადა ინაშვილმა.

პატრიოტთა ალიანსის სიის მე-4 ნომერი, ავთანდილ ენუქიძე საპარლამენტო მანდატზე უარს არ ამბობს. On.ge-ს მან განუცხადა, რომ მანდატს არ ტოვებს და როდის შევა პარლამენტში, ამას გადაწყვეტს.