ჯანდაცვის მინისტრობის კანდიდატის, ეკატერინე ტიკარაძის თქმით, მნიშვნელოვნად შემცირებულია სასწრაფო დახმარების გამოძახებაზე რეაგირების დრო.

"დღეისთვის მნიშვნელოვნად არის შემცირებული სასწრაფო დახმარების გამოძახებაზე რეაგირების დრო, შესაბამისად, შემცირდა გამოძახების დაყოვნების მაჩვენებელი. გამოძახებაზე საშუალო მოლოდინის დრო წინა პერიოდში იყო საათი და 24 წუთი, რომელიც 20 წუთამდე არის შემცირებული. გადაუდებელი დახმარების გაუმჯობესება ჩვენი პრიორიტეტია", — ამბობს ტიკარაძე.

ტიკარაძემ აღნიშნა, რომ როდესაც ობიექტური კრიტიკაა მოსახლეობიდან, ის არის სოლიდარული, მაგრამ როდესაც მიზანმიმართული ნეგატივი მოდის დესტრუქციული ჯგუფებიდან, ყველამ უნდა გავიხსენოთ, თუ რამდენად დიდი შრომის ფასად უწევთ სასწრაფოს ექიმებს პანდემიის სირთულეებთან გამკლავება.