ქობულეთში ავტოსაგზაო შემთხვევის შედეგად დაშავებული ფეხმძიმე ქალი გარდაიცვალა.

როგორც ბათუმის საერთაშორისო ჰოსპიტალში On.ge-ს განუცხადეს, მიუხედავად იმისა, რომ პაციენტს ოპერაცია ჩაუტარდა, მისი გადარჩენა მაინც ვერ მოხერხდა.

"შემოყვანიდან მალევე გარდაიცვალა. სიცოცხლისათვის შეუთავსებელი დაზიანებები და ნეიროქირურგიული პრობლემაც ჰქონდა, შიდა ორგანოებიც დაზიანებული იყო", — განგვიცხადეს კლინიკაში.

დღეს ქობულეთში მომხდარი ავტოსაგზაო შემთხვევის შედეგად ორი ადამიანი გარდაიცვალა, მათ შორის, ერთი ადგილზევე.

შინაგან საქმეთა სამინისტროს ცნობით, გამოძიება საქართველოს სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.