"ფროიდს აქვს ნათქვამი, რომ იცოდეთ რამხელა ძალა აქვს ფიქრებს, ცუდად არასდროს იფიქრებდითო", — განაცხადა თბილისის მერმა, კახა კალაძემ და აღნიშნა, რომ ამ ახალ წელზე უარყოფითი განწყობის შესამსუბუქებლად მერია მოქალაქეებს მაქსიმალურად "დაუჭერს მხარს".

"რადგან შეუძლებელია ადაიანების მობილიზება და ეს გარკვეულ რისკს წარმოადგენს არსებულ ვითარებაში, კონცერტები და ნაძვის ხის ანთების ნახვა შესაძლებელი იქნება ტელეეკრანებიდან. ჩვენ მაქსიმალურად შევეცდებით, რომ მხარი დაგიჭიროთ [...] მნიშვნელოვანია ეს ყველაფერი გავითვალისწინოთ, ძალიან კარგად მესმის სირთულეები და გაჭირვება, მაგრამ ერთიანი ძალისხმევით ყველაფერს გადავლახავთ", — განაცხადა კალაძემ.

თბილისის მერია 2021 წლის საახალწლო კონცერტის მოსაწყობად 491 ათასი ლარის დახარჯვას აპირებს. უწყება მომსახურებას გამარტივებული წესით შეისყიდის. კონცერტს მაყურებელი არ დაესწრება და საზოგადოება მას პირდაპირ ეთერში იხილავს.