დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, შეიძლება ითქვას, რომ კორონავირუსის ზრდის მაჩვენებელი ოდნავ შემცირდა, თუმცა, ის ამბობს, რომ ეს არანაირი დამშვიდების საფუძველს არ იძლევა. მისივე თქმით, გაფართოებული ტესტირების ფონზე, იგივე ამ კვირაში დღევანდელთან შედარებით ინფიცირების ზრდა შეიძლება ისევ იყოს.

"მაგრამ დიდი ალბათობით ეს არ უნდა იყოს ისეთი ზრდა, რომელიც წინა კვირის საშუალო მაჩვენებელს გადააჭარბებს. ანუ, მცირე გარკვეული პოზიტიური ტრენდი გამოჩნდა, მაგრამ ეს დამშვიდების საფუძველს არ უნდა გვაძლევდეს, რადგან პანდემია მთელ მსოფლიოში ბობოქრობს", — განაცხადა გამყრელიძემ.

მისივე თქმით, ნიღაბის ტარების კულტურა ქვეყანაში 65%-მდე გაიზარდა, თუმცა გამყრელიძის თქმით ეს საკმარისი არაა.

14 დეკემბრის მონაცემებით, საქართველოში კორონავირუსის 1 337 ახალი შემთხვევა გამოვლინდა და გარდაიცვალა კიდევ 49 ადამიანი. ამასთან, გამოჯანმრთელდა — 3 498 პაციენტი.

ვირუსის დაფიქსირებიდან დღემდე გამოვლენილია 196 063 შემთხვევა; გამოჯანმრთელებულია — 161 681; გარდაცვლილია — 1 839 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: