ქართული ოცნების ლიდერის ირაკლი კობახიძის თქმით, ყოფილი იუსტიციის მინისტრის თეა წულუკიანის ახალ თანამდებობაზე დანიშვნა მისი სურვილიც იყო.

"კონსულტაციები გვქონდა თეა წულუკიანთან, მათ შორის მისი პრიორიტეტები გავითვალისწინეთ. მისი სურვილიც იყო ეს. სწორედ ამის გათვალისწინებით მივიღეთ ეს გადაწყვეტილება", — კობახიძე

მეათე მოწვევის პარლამენტში იუსტიციის ყოფილი მინისტრი, თეა წულუკიანი განათლების, მეცნიერებისა და კულტურის კომიტეტის თავმჯდომარე იქნება.

დღეს, 11 დეკემბერს პარლამენტში მე-10 მოწვევის სხდომა მიმდინარეობს, რომელშიც მხოლოდ ქართული ოცნება იღებს მონაწილეობას. სხდომაზე ასევე არიან მიწვეული პრეზიდენტი, პატრიარქი და დიპლომატები. პატრიარქის ნაცვლად, სხდომას მისი მოსაყდრე, შიო მუჯირი ესწრება.

სხდომის პარალელურად, მოსწავლე ახალგაზრდობის სასახლის ეზოში შეკრებილმა ოპოზიციის ნაწილმა მანდატებზე უარი თქვა და ხელი მოაწერა საერთო მემორანდუმს ბოიკოტის შესახებ.