მანდალორელის (The Mandalorian) მესამე სეზონი 2021 წლის შობა დღეს, 25 დეკემბერს, გამოვა.

სერიალი Disney Plus-ის ერთ-ერთ წამყვან შოუდ იქცა მას შემდეგ, რაც სტრიმინგის სერვისი წინა წლის შემოდგომაზე გაეშვა. სერიალი მომენტალური ჰიტი გახდა და ემის 15 ჯილდოზეც იყო ნომინირებული, მათ შორის საუკეთესო დრამის კატეგორიაში.

პატარა იოდას გამოჩენის, გადაღების ინოვაციური ტექნიკებისა და გასაოცარი ვარსკვლავური ბრძოლების კადრების დამსახურებით The Mandalorian-მა მაყურებელი დაატყვევა და გაჩერებას არც აპირებს — ახლახან გამოსული მეორე სეზონი ამდენადვე წარმატებულად მიდის.

როგორც ჩანს, ამას Lucasfilm-იც მშვენივრად ხვდებოდა. სერიალის მეორე სეზონზე მუშაობა ჯერ კიდევ მაშინ დაიწყეს, სანამ პირველი სეზონის პრემიერა შედგებოდა, ახლა კი სტუდია უკვე იწყებს მესამე სეზონისთვის მზადებას. აქამდე ცნობილი იყო, რომ მანდალორელის მესამე სეზონზე მუშაობა ამ ნოემბერში უნდა დაწყებული, რაც თეორიულად მას 2021 წელს გამოსვლის საშუალებას მისცემდა. ახლა ოფიციალურად დადასტურდა, რომ ეს ნამდვილად ასეა.

დისნეის Investor Day-ზე ასევე დაანონსდა, რომ სტუდია მანდალორელის ორ სპინ-ოფზე მუშაობს: Rangers of the New Republic და Ahsoka. ამ შოუების გამოსვლის თარიღი ჯერჯერობით უცნობია, ამიტომ რთულია იმის თქმა, სერიალის მესამე სეზონი სიუჟეტურად დაუკავშირდება თუ არა მათ.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…