პარლამენტთან გამართულ აქციაზე შენობაში შემსვლელ დეპუტატებს აქციის მონაწილეებმა საბჭოთა კავშირის ჰიმნი ჩაურთეს. ამას გარდა, აქციის მონაწილეებმა ადგილზე ყვავილები მიიტანეს, რაზეც განაცხადეს, რომ ქართულ ოცნებას ყვავილებით აცილებენ.

პარლამენტთან არჩევნების გამოცხადებული შედეგების გასაპროტესტებლად პარლამენტის პირველი სხდომის პარალელურად აქცია იმართება. პარლამენტის სხდომა 12 საათზე იწყება.

გაიგე მეტი:

დღეს 11 დეკემბერს მე-10 მოწვევის პარლამენტი ერთპარტიულად იკრიბება. ცნობილია, რომ არცერთი ოპოზიციური პარტია პარლამენტში შესვლას არ აპირებს, თუმცა ჯერ დაუზუსტებელია დარჩება თუ არა ასე ბოლომდე. პარტია მოქალაქეების ლიდერს სხვა ოპოზიციური პარტიებისგან განსხვავებული პოზიცია აქვს და ამბობს, რომ პარლამენტში არ შევა მანამ, სანამ მმართველ გუნდთან შეთანხმების დოკუმენტს ხელს არ მოაწერენ და ყველა პოლიტპატიმარი თავისუფალი არ იქნება. ოპოზიციის სხვა წევრები კი უარს ამბობენ პარლამენტში შესვლაზე მანამ, სანამ რიგგარეშე არჩევნები არ დაინიშნება.