ევროპული საქართველოს ერთ-ერთი ლიდერის, აკაკი ბობოხიძის განცხადებით, ბოლო ორი დღის განმავლობაში გამოჩნდა, რომ ქართულ ოცნებას ჰყავს ორი სპიკერი — ალეკო ელისაშვილი და ირაკლი კობახიძე.

"ორი დღეა მოგვევლინა, რომ ქართულ ოცნებას ჰყავს ორი სპიკერი, ერთი ალეკო ელისაშვილი და მეორე ბატონი კობახიძე. რატომღაც, ქართული ოცნების გეგმებზე გველაპარაკება ალეკო ელისაშვილი. ორი დღეა ელისაშვილი პრაქტიკულად აცხადებს რაღაც გეგმებს, რომელიც თურმე ქართულ ოცნებას აქვს და რომელიც მის მეტმა ვერავინ ვერ შეამჩნია", — ამბობს ბობოხიძე.

მთავარის ეთერში ბობოხიძემ განაცხადა, რომ ირაკლი კობახიძე შეურაცხყოფას აყენებს ქართულ პოლიტიკურ სპექტრს, ალეკო ელისაშვილი კი — ორმაგ შეურაცხყოფას.

"კობახიძე ამბობს, რომ ქართული პოლიტიკური სპექტრი არის შანტაჟის ქვეშ ბოკერია-უგულავას მხრიდან და ალეკო ელისაშვილმა რა თქვა? ქართულ პოლიტიკურ სპექტრს, თურმე, უნდა შესვლა, ანუ ბიძინა ივანიშვილის სურვილების შემსრულებელიც არის, ყოველ შემთხვევაში გულში და სულში უდევთ ის რაც ბატონ ბიძინას უნდა, მაგრამ, ამავე დროს ვერ აკეთებენ იმას, რაც ბატონ ბიძინას უნდა იმიტომ, რომ შანტაჟში არიან ბოკერია უგულავა მხრიდან.

ქართული პოლიტიკური სპექტრი გამოიყვანეს ნებელობის არ მქონედ", — აცხადებს აკაკი ბობოხიძე.

პარტია მოქალაქეების ლიდერმა, ალეკო ელისაშვილმა 9 დეკემბერს განაცხადა, რომ საარჩევნო კანონმდებლობისა და საარჩევნო ადმინისტრაციების რეფორმებზე შეთანხმების შემთხვევაში პარლამენტში შევა. მისივე განცხადებით, გიგა ბოკერია ცდილობს მმართველ პარტიასა და ოპოზიციას შორის მოლაპარაკებები ჩაშალოს.

გაიგეთ მეტი: