"უგულავას ურჩევნია თავისი გაპარსული თბილისის ბიუჯეტი მოსახლეობას დაუბრუნოს", — ასე უპასუხა გიგი უგულავას გუშინდელ ნიძლავს, ქართული ოცნების საარჩევნო შტაბის ხელმძღვანელმა, ირაკლი კობახიძემ.

ევროპული საქართველოს ერთ-ერთი ლიდერი, გიგი უგულავა ქართული ოცნების აღმასრულებელ მდივანს, ირაკლი კობახიძეს "ნიძლავს" სთავაზობს.

"მეც მაქვს თმა შესაჭრელი და კობახიძეს სულ შესაჭრელი აქვს. მოდი დავდოთ თუ გინდა საჯარო ნიძლავი, ხვალ თუ მიიღებს მაგ ნიძლავს, 11-ში თუ იქნებიან მარტო, გადაიპარსოს თავი, თუ არა და მე გადავიპარსავ. აწყობს კობახიძეს?", — განაცხადა გიგი უგულავამ TV პირველის ეთერში.

გიგი უგულავას მტკიცებით, 11 დეკემბერს ქართული ოცნება პარლამენტში მარტო იქნება.

"ხომ იძახის 11-ში ვიქნებით ყველაო, მე ვეუბნები რომ არ იქნება და იქნებიან მარტო. ვინც ყანყალებს იმასაც აქეთ ვთვლი", — განაცხადა უგულავამ.

ოპოზიცია 31 ოქტომბერს ჩატარებული არჩევნების შედეგებს არ აღიარებს. მათ საპარლამენტო მანდატებზე უარი უკვე თქვეს და არჩევნების მეორე ტურსაც ბოიკოტი გამოუცხადეს, რომელიც 21 ნოემბერს ჩატარდა. მეორე ტურში არცერთი ოპოზიციური პარტია მონაწილეობდა. 17 მაჟორიტარულ ოლქის გარდა, მეორე ტური გაიმართა ქუთაისის მერობის არჩევნებზეც. როგორც მოსალოდნელი, ოპოზიციის გარეშე ჩატარებულ არჩევნებში, სახელისუფლებო პარტიამ გაიმარჯვა.