დაავადებათა კონტროლის ეროვნული ცენტრის დირექტორის, ამირან გამყრელიძის თქმით, კოვიდგადატანილ პაციენტებსაც შეიძლება გრიპი დაემართოთ, ამიტომ მათ გრიპის ვაქცინის გაკეთება თავისუფლად შეუძლიათ.

"მოგეხსენებათ, ორივე რესპირაციული ვირუსებია, მაგრამ გრიპის ვირუსი სხვა არის და კორონავირუსი — სხვა. კორონაგამოვლილსაც შეიძლება შეხვდეს, ასევე, გრიპის ვირუსი. კოვიდგადატანილსაც შეუძლია თავისუფლად ჩაიტაროს აცრა გრიპის საწინააღმდეგოდ. ანუ კორონავირუსი გრიპის საწინააღმდეგოდ თქვენ არ დაგიცავთ, დაგიცავთ გრიპის საწინააღმდეგო აცრა", — აღნიშნა მან.

გამყრელიძემ 7 დეკემბერს განაცხადა, რომ გრიპის ვაქცინაზე ყველანაირი ბარიერი მოხსნეს, ამიტომ ნებისმიერ მოქალაქეს, ვისაც სურვილი ექნება, შეეძლება მისი გაკეთება.