ევროპარლამენტარი და ევრონესტის თავმჯდომარე ანდრიუს კუბილიუსი წერს, რომ საქართველოს სტრატეგიული ერთიანობა მისი ევროატლანტიკური ინტეგრაციის ამბიციისთვის მთავარია. მისივე თქმით, ეროვნული კონსესუსი ამ საკითხებზე პარლამენტის სრულფასოვანი მუშაობით შეიძლება დამტკიცდეს.

"მოცემული გეოპოლიტიკური გამოწვევების ფონზე, საქართველოში განვითარებულ პროცესებს აღმოსავლეთ პარტნიორობის ქვეყნებისთვის, რუსეთისთვის და საბოლოოდ მთლიანი ევროპისთვის ექნება გავლენა. ბოლო დროს განვითარებული მოვლენები NATO-სთან მიმართებით და პრაქტიკული დახმარება საქართველოსთვის, აგრეთვე, საქართველოს სწრაფვა 2024 წელს ევროკავშირის აპლიკანტი წევრი გახდეს, წამახალისებელია, მით უმეტეს გეოპოლიტიკურ კონტექსტში", — წერს ანდრიუს კუბილიუსი სტატიაში.

კუბილიუსი აღნიშნავს, რომ ვარდების რევოლუციის შემდეგ საქართველო ევროატლანტიკური ინტეგრაციისკენ მიისწრაფოდა და ამ მიმართულებით ქვეყნის წინსვლა, არა მხოლოდ საქართველოსთვის, არამედ მთლიანი რეგიონისთვის მნიშვნელოვანია.