თბილისის მერის კახა კალაძის თქმით, უტა ივანიშვილის რუსული პასპორტის ქონა ქვეყნის პრობლემა არაა. ამის შესახებ მან ჟურნალისტებთან განაცხადა.

"უტა ივანიშვილის მიერ რუსული პარტის ქონა დანაშაულია? როცა წლების განმავლობაში ქვეყნის საგარეო საქმეთა მინისტრი გყავდათ რუსი და ხმა არ ამოგიღიათ, უტა ივანიშვილს რომ რუსული პასპორტი აქვს, ეს არის ქვეყანაში ყველაზე დიდი პრობლემა? ვერანაირ პრობლემას ვერ ვხედავ ამაში, კიდევ ერთხელ ვიმეორებ, ქვეყნის საგარეო საქმეთა მინისტრი გვყავდა რუსი", — განაცხადა კალაძემ.

5 დეკემბერს TV პირველმა გაავრცელა ინფორმაცია, რომ ბიძინა ივანიშვილის უფროს შვილს, უტა ივანიშვილს რუსეთის მოქალაქეობა აქვს.