გერმანიის კანცლერის, ანგელა მერკელის რეზიდენციის ჭიშკარს მანქანა შეეჯახა. გავრცელებული ინფორმაციით, შემთხვევის შედეგად არავინ დაშავებულა და დაკავებულია ერთი პირი. პოლიციაში აცხადებენ, რომ დეტალებს აზუსტებენ.

Reuters-ის მიერ გავრცელებულ ფოტოებში ჩანს, რომ პოლიცია ათვალიერებს მანქანას, რომელსაც გერმანულად "შეაჩერეთ გლობალიზაციის პოლიტიკა". ამასთან სოციალურ ქსელში გავრცელდა მანქანის სხვა ფოტოები წარწერით "ბავშვებისა და მოხუცების წყეულო მკვლელებო".

გამოცემის ცნობით, დღეს დილით ანგელა მერკელს ფედერალური მიწების ხელმძღვანელებთან კორონავირუსის შეზღუდვებზე უნდა ესაუბრა.