საქართველოს საკონსტიტუციო სასამართლოს 1 ვაკანტურ თანამდებობაზე 4 კანდიდატი განიხილება, საიდანაც 3 საპარლამენტო უმრავლესობის წევრია. ამის შესახებ საპარლამენტო უმრავლესობის წევრმა, პარტია ქართული ოცნებიდან, მამუკა მდინარაძემ ინტერპრესნიუსს განუცხადა.

როგორც დეპუტატი სააგენტოსთვის მიცემულ ინტერვიუში ამბობს, უმრავლესობის 3 დეპუტატიდან ერთ-ერთი მანანა კობახიძეა, რომელიც მოსამართლეობის კანდიდატად განიხილება. უმრავლესობა კანდიდატს 23 იანვარს წარადგენს.

„ჩვენ ვფიქრობთ, რომ საკონსტიტუციო სასამართლოს მოსამართლის ვაკანტურ თანამდებობაზე ღირსეულ კანდიდატურას წარვადგენთ და მისი საქმიანობა იქნება ნაყოფიერი“, - განუცხადა ინტერპრესნიუსს მამუკა მდინარაძემ.

თანამდებობა, რომლისთვისაც უმრავლესობის სამი წარმომდგენელი განიხილება, 2016 წლის სექტებრიდან ვაკანტურია.

On.ge ცდილობს ამის შესახებ დამატებითი ინფორმაციის მოპოვებას, რომელსაც მოგვიანებით შემოგთავაზებთ.