განახლება: თბილისის პოლიციის უფროსმა, ვაჟა სირაძემ განაცხადა, რომ წერეთელზე მიკროსაფინანსო ორგანიზაციაში შეჭრილია 1 პირი და მას 9 მძევალი ყავს.

ვრცელდება ინფორმაცია წერეთლის გამზირზე მიკროსაფინანსო ორგანიზაცია MBC-ში შეჭრის შესახებ. On.ge-მ სცადა შინაგან საქმეთა სამინისტროსთან დაკავშირება, თუმცა უწყება ამ დროისთვის ინფორმაციას არ ავრცელებს. ჩვენი ინფორმაციით, შენობაში არიან მძევლებიც.

ტერიტორიაზე მობილიზებულია პოლიცია. რამდენიმე ტელევიზიის კადრებში ჩანს, როგორ გამოდის შენობიდან ერთი ადამიანი ხელებაწეული და ამბობს, რომ ყაჩაღობა არ ყოფილა, თუმცა უცნობია, ვინ არის ის. აღსანიშნავია, რომ მიკროსაფინანსო ორგანიზაციის გვერდით პოლიციის შენობაა.

ადგილზე უკვე გავიდნენ On.ge-ს ჟურნალისტები და ახალ ინფორმაციას მიღებისთანავე შემოგთავაზებთ.