საქართველოს პრემიერმინისტრის, გიორგი გახარიას განცხადებით, საპარლამენტო არჩევნების მეორე ტური ხელს შეუწყობს ქვეყანაში მიმდინარე პროცესების ფორმალურ სამართლებრივ ჩარჩოებში დაბრუნებას. ამის შესახებ მან მთავრობის სხდომაზე ისაუბრა.

"მოგეხსენებათ, მოქალაქეებმა 31 ოქტომბერს ერთხმად დაუჭირეს მხარი 9 პოლიტიკურ პარტიას, მათ წარმოდგენას პარლამენტში და იმას, რომ ამ პოლიტიკურმა პარტიებმა მათთვის მინიჭებული მანდატების და პასუხსიმგებლობის თვალსაზრისით იზრუნონ ქვეყანაში არსებული გამოწვევების წინააღმდეგ ბრძოლაში, ერთობლივად. მე დარწმუნებული ვარ, რომ თითოეული პოლიტიკური ძალა იაზრებს ამ პასუხისმგებლობას და მოიქცევა ისე, როგორც ეკადრება ქართველ ამომრჩეველს", — განაცხადა გახარიამ.

საპარლამენტო არჩევნები საქართველოში 31 ოქტომბერს ჩატარდა. ოპოზიცია შედეგებს არ აღიარებს და ბოიკოტის რეჟიმშია — ისინი პარლამენტში არ შედიან. გუშინ საქართველოს ამერიკის სახელმწიფო მდივანი, მაიკ პომპეო ეწვია, მან ხელისუფლების წარმომადგენლებთან, სამოქალაქო სექტორთან და პატრიარქთან შეხვედრები გამართა. პარალელურად მიმდინარეობდა ოპოზიციის მდუმარე აქციაც.