საქართველოს საკალათბურთო ნაკრების კაპიტანი და Warriors-ის მოთამაშე ზაზა ფაჩულია სატელევიზიო ინტერვიუში All Star-ის წინასწარ შედეგებზე და საზოგადოების მხრიდან დიდ მხარდაჭერაზე საუბრობს:

"ეს აქამდეც მითქვამს და ისევ ვიტყვი, რომ ჩემთვის უფრო მნიშვნელოვანია სიყვარული და მხარდაჭერა, რომელსაც ვგრძნობ. ამ სიყვარულს ვერ იყიდი და უზომოდ მადლიერი ვარ იმ მხარდაჭერისთვის, რომელსაც ვიღებ ქართველებისგან, ამერიკელებისგან და უბრალოდ NBA-ის მხარდამჭერებისგან.

საქართველო პატარა ქვეყანაა, 3,5 მილიონი მოსახლეობით. როდესაც ის დავტოვე, სულ მქონდა განცდა, რომ ამ ქვეყანას წარვადგენდი და ყველა ჩემს ნაბიჯზე ვგრძნობდი, რომ საქართველო თვალს მადევნებდა. მე თუ რამეს არასწორად გავაკეთებდი, ეს საქართველოს იმიჯზეც ცუდად აისახებოდა. ამას გარდა, 16 წელზე მეტია საქართველოს ეროვნულ ნაკრებში ვარ და ეს ჩემთვის ბევრს ნიშნავს.

საოცრებები ხდება თუ All Satr-ში ვითამაშებ, მე ამ თამაშში იმ ხალხს წარვადგენ, ვინც ხმა მომცა. სხვა ვერაფერზე ვფიქრობ".

ზაზა ფაჩულია წინასწარი შედეგებით NBA-ის ყველა ვარსკვლავის ხუთეულშია. საბოლოო შედეგი, ითამაშებს თუ არა ფაჩულია All Star-ში, ხვალ, 20 იანვარს გახდება ცნობილი.