ევროპული საქართველოს ერთ-ერთმა ლიდერმა, გიგი უგულავამ განაცხადა, რომ არცერთი ოპოზიციური პარტია არ აპირებს პარლამენტში შესვლას, რადგან ეს იქნება პირდაპირ კომპარტიაში შესვლა.

"პროცესი არის მტკიცე, არ ვაპირებთ უკან დახევას. არ ვაპირებთ იმის გამო, რომ აქ საუბარი არაა 1 და 2 პროცენტზე, აქ საუბარია პრინციპზე, რომ უნდა იყოს დამოუკიდებელი ცესკო, რომელიც ატარებს დამოუკიდებელ არჩევნებს. ესაა ის, რაც დევს სასწორზე. ამიტომაა ოპოზიცია ერთიანი. არავინ არ აპირებს შესვლას პარლამენტში, ყველა კარგად აცნობიერებს —დღევანდელ პარლამენტში შესვლა ნიშნავს პირდაპირ ქართულ ოცნებაში შესვლას, პირდაპირ კომპარტიაში შესვლას", — განაცხადა გიგი უგულავამ.

უგულავას თქმით, ხელახალი არჩევნების შანსი ცესკომ თავისი გადაწყვეტილებით უკვე მოსპო, ამიტომ ახლა რიგგარეშე არჩევნები უნდა ჩატარდეს, რომელიც, მისი ვარაუდით, გაზაფხულზე მოუწევს.