დღეს — ისე, როგორც არასდროს — დისტანციური სერვისების ხელმისაწვდომობა აუცილებლობაა. ეს ყველაზე უკეთ ალბათ იმ ადამიანებს ესმით, ვისაც მომსახურების მისაღებად ზოგჯერ რიგში დგომა უწევთ. ამგვარად გამარტივება თანამედროვე კომპანიების უპირველეს ამოცანად იქცა.

თიბისის ციფრული არხები მობაილ და ინტერნეტბანკი ქართველი მომხმარებლებისთვის სიახლეს არ წარმოადგენს, ახლა კი სწორედ ამ ციფრული არხების საშუალებით გახდა შესაძლებელი თიბისის მომხმარებლად რეგისტრაცია და ანგარიშის გახსნა.

აქამდე იმისთვის რომ თიბისის მომხმარებელი გამხდარიყავი აუცილებელი იყო ფილიალში მისვლა და ანგარიშის გახსნა, რაც არსებულ რეალობაში, მაშინ როცა მომხმარებლებს თავშეყრის ადგილებში მისვლა ეკრძალებათ ცოტა არ იყოს არარელევანტური მეთოდია.

მაგრამ ეს ყველაფერი — მხოლოდ წარსულში.

თიბისის ინოვაციური სიახლე ყველა ადამიანს აძლევს საშუალებას, გახდეს თიბისის მოხმარებელი მხოლოდ 90 წამში.

ციფრული მომხმარებელი ციფრულ სამყაროში

სიახლის მნიშვნელობაზე, მისი საშუალებით განხორციელებულ განსაკუთრებულ შეთავაზებებსა და თიბისის უკვე გაციფრულებულ სერვისებზე On.ge თიბისის ციფრული ბიზნესის განვითარების ლიგის ლიდერს გიორგი ალიბეგაშვილს ესაუბრა.

"ამ ფუნქციონალის დახმარებით ის ადამიანები, ვინც აქამდე თიბისის მომხმარებლები არ იყვნენ, დისტანციურად შეძლებენ გახსნენ ჩვენი მომხმარებლები და ისარგებლონ ჩვენი ჩვენი სერვისებით” — განმარტავს გიორგი — "ამ დრომდე ეს ყველაფერი და ანგარიშის გახსნა მხოლოდ ფილიალში ვიზიტით იყო შესაძლებელი, შესაბამისად, ეს პროცედურები სრულად გაციფრულებულმა პროცესმა ჩაანაცვლა".

როგორც გიორგი აღნიშნავს, რადგან თიბისისთვის პრიორიტეტია ციფრული პროდუქტების მომხმარებლისთვის შეთავაზება და მათთვის ცხოვრების გამარტივება, ეს ახალი ფუნქციონალი ძალიან სწრაფი და მარტივია დაახლოებით 90 წამი სჭირდება ნებისმიერ ადამიანს, რომ თიბისის მომხმარებლად იქცეს.

"მომხმარებელი, ჩვეულებრივ, ხსნის ანგარიშს, ოღონდ, ამ შემთხვევაში ციფრული ბარათის სახით, რომლის აქტივაციაც უფასოა", — ამბობს გიორგი.

ციფრული ბარათით შეგიძლიათ გადაიხადოთ როგორც ტერმინალებსა და ელექტრონულ კომერციაში, ასევე, შეგიძლიათ გაანაღდოთ თანხა ბანკომატიდან.

ამასთანავე, მომხმარებლები ისარგებლებენ თიბისის მობაილ და ინტერნეტბანკით რომელთა საშუალებითაც არაერთი საბანკო ოპერაციის მარტივად განხორციელებას შეძლებენ.

ციფრული მომსახურება და პროდუქტი, როგორც პრიორიტეტი

არის თუ ამ ფორსმაჟორულ სიტუაციაში ფიზიკურ სივრცეში განსახორციელებელი სერვისების დისტანციურით ჩანაცვლება და ონლაინმომსახურების გააქტიურება, ერთგვარად, სოციალური პასუხისმგებლობის ნაწილი? მაშინ, როცა ფიზიკური დისტანციის დაცვა და თავშეყრის ადგილებისგან თავის არიდება ვირუსთან ბრძოლის უმთავრეს იარაღს წარმოადგენს, შეიძლება, ითქვას, რომ კომპანიის მზრუნველობა საკუთარ მომხმარებლებზე ამ მხრივაც გამოიხატება.

"ციფრული სერვისების განვითარება ჩვენი პრიორიტეტი დიდი ხანია არის, თუმცა პანდემიასთან დაკავშირებული შეზღუდვების კვალდაკვალ, ბოლო პერიოდში განსაკუთრებით აქტუალური გახდა სერვისების გაციფრულება; აუცილებელია, რომ მომხმარებლებს სერვისის მისაღებად არ მოუწიოთ თავშეყრის ადგილებში მისვლა", — აცხადებს გიორგი — "სწორედ ამიტომაც, პანდემიის შემდეგ კამპანია“ გაციფრულდის“ ფარგლებში არაერთი ციფრული პროექტი განვახორციელეთ მაგალითად ციფრული ბარათი გაეშვა, შემდეგ, ასევე მნიშვნელოვანი იყო მობაილ და ინტერენებანკის სასარგებლო ფუნქციონალების ახსნა უფროსი თაობის ადამიანებისთვის, ვისთვისაც ეს პრობლემას წარმოადგენდა. ეს პროექტიც, ასევე იყო კამპანია 'გაციფრულდის' ნაწილი. ახლა კი, კიდევ ერთ ციფრულ პროდუქტს ვთავაზობთ აუდიტორიას“.

გიორგის თქმით, ამ სიახლის დასანერგად ახლა რელევანტური დროა.

"იმედი გვაქვს, ჩვენ მიერ შეთავაზებული ახალი სერვისი მომხმარებლებისთვის გამოსადეგი იქნება და მათ გაუმარტივდებათ ყოველდღიურობა", — დასძენს იგი.

უკვე შეგიძლიათ, ეწვიოთ მობაილ და ინტერნეტბანკს და გახდეთ თიბისის მომხმარებელი მხოლოდ 90 წამში.

თიბისის ინტერნეტბანკზე რეგისტრაციის გავლა შესაძლებელია აქ - https://tbconline.ge/tbcrd/

მობაილბანკის აპლიკაციის გადმოწერას კი შეძლებთ, როგორც Google Play-დან, ასევე App Store-დან.