ამერიკის პრეზიდენტად არჩეულმა დონალდ ტრამპმა, Wall Street Journal-თან ინტერვიუში ქვეყნის ვალუტის აღწერისას განაცხადა, რომ "ამერიკული დოლარი მეტისმეტად ძლიერია".

ორშაბათს, 16 იანვარს, ინტერვიუს გამოქვეყნებიდან რამდენიმე საათში დოლარმა გაუფასურება დაიწყო და 17 იანვარს თვის განმავლობაში ყველაზე დაბალი მაჩვენებელი დაფიქსირდა.

აშშ-ს სამომხმარებლო ფასები დღეს გამოქვეყნდება, რაც წინა თვესთან შედარებით 0,3 პროცენტით შეიძლება იყოს გაზრდილი. ამას გარდა, არჩევნების შემდეგ ინფლაციის მოლოდინი გაზრდილია, რადგან ფინანსები, რომელიც ტრამპზე დაიხარჯება, მაღალია.

დოლარის გაუფასურებამ იმოქმედა სხვა ვალუტებთან მიმართებაში, მათ შორის ევროსთან და კანადურ დოლართან. აღსანიშნავია, რომ ლარი დოლართან 2 დღეა მყარდება. გუშინ ეროვნული ვალუტა აშშ დოლართან 5 თეთრით გამყარდა.