ფეხბურთის ფედერაციასთან აქციას ფიზიკური დაპირისპირება მოყვა, აქციის მონაწილეები გუშინ გამართულ მატჩზე გულშემატკივრების არ დაშვებას და მმართველი გუნდის წევრების დასწრებას აპროტესტებდნენ.

აქციის მონაწილეებისა და ფეხბურთის ფედერაციის წარმომადგენლებს შორის დაპირისპირება მას შემდეგ დაიწყო, რაც აქტივისტებმა გადაწყვიტეს ფედერაციის პრეზიდენტისთვის საჩუქრად ჯორჯ ორუელის წიგნი "ცხოველების ფერმა" გადაეცათ.

ფედერაციასთან აქტივისტები ბანერებით მივიდნენ, სადაც ეწერა: "კობახიძის ჯარიმას მე ვიხდი", "თარსი კობახიძე".

ფოტო: ნანუკა ჟორჟოლიანი/ facebook

საკოორდინაციო საბჭოს გადაწყვეტილებით, 9 ნოემბრიდან დიდ ქალაქებში: თბილისში, ბათუმში, ქუთაისში, რუსთავში, ზუგდიდში, გორსა და ფოთში 22:00 საათიდან დილის 05:00 საათამდე გადაადგილება შეიზღუდა. შეზღუდვა ვრცელდება როგორც ქვეითად, ისე ტრანსპორტით და კერძო ავტომობილებით მოსიარულეებს. ამ დადგენილების დარღვევის შემთხვევაში გათვალისწინებულია ჯარიმა 2 000 ლარის ოდენობით.

საქართველოს ეროვნული ნაკრები ჩრდილოეთ მაკედონიის ნაკრებთან დამარცხდა.

ისტორიული მატჩი დინამო არენაზე ჩატარდა და მას კორონავირუსის მიერ გამოწვეული შეზღუდვების გამო, მაყურებელი არ ესწრებოდა.

კორონავირუსის შეზღუდვების მიუხედავად, მატჩს გულშემატკივარი ვერა, მაგრამ კალაძე, კობიაშვილი და ფედერაციის სხვა წევრები დაესწრნენ.