საქართველოს სტატისტიკის ეროვნული სამსახურის ინფორმაციით, 2020 წლის იანვარ-ოქტომბერში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 9 159,5 მილიონი აშშ დოლარი შეადგინა. საქსტატის განცხადებით, ეს წინა წლის შესაბამისი პერიოდის მაჩვენებელზე, 15 პროცენტით ნაკლებია.

ამასთან, დოკუმენტის თანახმად, ექსპორტმა ამ პერიოდში 2 715,3 მილიონი აშშ დოლარი შეადგინა და წინა მონაცემთან შედარებით, 11,1 პროცენტიანი კლება განიცადა. ხოლო იმპორტი 6 444,2 მილიონი აშშ დოლარი, ანუ წინა წელთან შედარებით, 16,6 პროცენტით ნაკლები იყო.

სტატისტიკის ეროვნული სამსახურის ინფორმაციითვე, უარყოფითმა სავაჭრო ბალანსმა 2020 წლის იანვარ-ოქტომბერში 3 728,9 მილიონი აშშ დოლარი და საგარეო სავაჭრო ბრუნვის 40,7 პროცენტი შეადგინა.

ფოტო: GeoStat

საქართველოს საგარეო ვაჭრობის დეტალური მონაცემები მიმდინარე წლის 19 ნოემბერს. ამასთან, საქსტატის განცხადებით, ცალკეულ შემთხვევებში საბოლოო შედეგსა და შესაკრებთა ჯამს შორის მცირე განსხვავება მონაცემთა დამრგვალებით აისახება.