პარლამენტის თავმჯდომარის, ირაკლი თალაკვაძის ინფორმაციით, რამდენიმე დღეში მმართველ პარტიასა და ოპოზიციას შორის პოლიტიკური კონსულტაციების მორიგი რაუნდი შედგება.

"პირველ რიგში, პოზიტიურია, რომ პოლიტიკურ პარტიებს შორის დიალოგი დაიწყო და მნიშვნელოვანია, რომ ჩვენ შევთანხმდით, რომ კიდევ ერთი რაუნდი შედგება პოლიტიკური კონსულტაციების, უახლოეს დღეებში", — განაცხადა არჩილ თალაკვაძემ.

ევროპული საქართველოს ერთ-ერთი ლიდერის, დავით ბაქრაძის თქმითაც, მოლაპარაკებები ძალიან მალე განახლდება, თუმცა, დრო და ადგილი ჯერჯერობით უცნობია.

ეს განცხადებები პოლიტიკურმა ლიდერებმა აშშ-ს ელჩთან, კელი დეგნანთან ერთობილი შეხვედრის შემდეგ გააკეთეს.

მმართველ პარტიასა და ოპოზიციას შორის შეხვედრა აშშ-ს ელჩის, კელი დეგნანის რეზიდენციაში გაიმართა. შეხვედრას ესწრებოდა ყველა ოპოზიციური პარტია, რომელმაც არჩევნებზე ბარიერი გადალახა: გირჩი, ევროპული საქართველო, ლელო, სტრატეგია აღმაშენებლი, პატრიოტთა ალიანსი, ნაციონალური მოძრაობა, ლეიბორისტული პარტია და მოქალაქეები.

გაიგეთ მეტი: