პარლამენტის თავმჯდომარე, არჩილ თალაკვაძე აცხადებს, რომ მმართველ პარტიას სურს ოპოზიციასთან მოლაპარაკებები დასრულდეს შედეგით, როცა ყველა პატივს სცემს არჩევნების შედეგებს.

"იმ პოზიციებს, რომლებიც განსხვავებულია პარტიებს შორის, აქ ჩვენი პასუხი და ჩვენი პოზიცია არის მკაფიო — მოდით, ერთად გადავამოწმოთ ყველა ის საკითხი, ყველა ის კითხვა, რომელიც იყო ოპოზიციის მხრიდან დასმული და ჩვენ საზოგადოებას აქვს ამაზე ინფორმაცია.

ჩვენ გვაქვს ძალიან კონსტრუქციული და გახსნილი პოზიცია. ჩვენ გვსურს, მივიდეთ იმ შედეგთან, როდესაც ყველა, საბოლოო ჯამში, პატივს სცემს არჩევნების შედეგებს", — განაცხადა არჩილ თალაკვაძემ, მმართველ პარტიასა და ოპოზიციას შორის არჩევნების შემდეგ გამართული პირველი შეხვედრის შემდეგ.

მმართველ პარტიასა და ოპოზიციას შორის შეხვედრა დღეს, 12 ნოემბერს, აშშ-ს ელჩის, კელი დეგნანის რეზიდენციაში გაიმართა. შეხვედრას ესწრებოდა ყველა ოპოზიციური პარტია, რომელმაც არჩევნებზე ბარიერი გადალახა: გირჩი, ევროპული საქართველო, ლელო, სტრატეგია აღმაშენებელი, პატრიოტთა ალიანსი, ნაციონალური მოძრაობა, ლეიბორისტული პარტია და მოქალაქეები.

გაიგეთ მეტი: