უკრაინელი არტისტი ალექსეი კონდაკოვი თავის Instagram-ის ანგარიშზე @alksko გვაჩვენებს, როგორი იქნება 2020 წელს ცხოვრება კიევის ქუჩებში, მასში რომ რენესანსული ღმერთები და ქალღმერთები, ანგელოზები და მუზები ცხოვრობდნენ.

არტისტი ფონად მის მიერვე გადაღებულ კიევის ფოტოებს იყენებს და საკუთარ ნამუშევრებს "სიურრეალისტურ დოკუმენტურ ფოტოგრაფიას" უწოდებს. ის ამბობს, რომ ეს ნამუშევრები გამოხატავს მის დაკვირვებებს, თუ როგორია ხალხი და ადგილები ყოველდღიურად.

"ჩემი ერთ-რთი საყვარელი საქმიანობაა, ვუყურო ხალხს ქუჩაში, ტრანსპორტში და სხვა საჯარო ადგილებში", — განუცხადა არტისტმა The Calvert Journal-ს.

კონდაკოვმა კოლაჟების კეთება გასართობად დაიწყო ხუთი წლის წინ, პარალელურად კი დიზაინერად და არტ-დაირექტორად მუშაობდა. მას შემდეგ, რაც 2015 წელს მისი ნამუშევრები პოპულარული გახდა, ის ამ საქმიანობას სრულ განაკვეთზე შეუდგა.