ექსპრეზიდენტი მიხეილ სააკაშვილი ჯო ბაიდენს აშშ-ის საპრეზიდენტო არჩევნებში გამარჯვებას ულოცავს. ვრცელ პოსტში, რომელიც სააკაშვილმა რუსულ და ინგლისურ ენებზე გამოაქვეყნა, წერს, რომ ბაიდენთან 90-იანი წლებია მეგობრობს.

სააკაშვილი იხსენებს ბაიდენთან რამდენიმე შეხვედრის დეტალს და ამბობს, რომ ის ყოველთვის უჭერდა მხარს და ღიად საუბრობდა რუსულ აგრესიაზე.

"მე გულწრფელად მიხარია მის გამო, იმიტომ, რომ, პირველ რიგში, ის არა პოლიტიკოსი, არამედ, კარგი, ემოციური და ნამდვილი ადამიანია. მე დარწმუნებული ვარ, რომ მისი არჩევა ძალიან ცუდი ამბავია კრემლისთვის", — წერს სააკაშვილი.

მისივე თქმით, ახლა, როცა საქართველო იბრძვის "მოპარული არჩევნებისთვის", რომელზეც ოპოზიციამ გაიმარჯვა, თეთრ სახლში სჭირდებათ ღირებულებების მქონე ადამიანები.

წინასწარი მონაცემებით, ჯო ბაიდენი აშშ-ის 46-ე პრეზიდენტი გახდა. ინფორმაცია ამის შესახებ CNN-მა, BBC-მ და სხვა საერთაშორიო მედიებმა თავიანთ მონაცემებზე დაყრდნობით გაავრცელეს.

CNN-ის ინფორმაციით, მას შემდეგ, რა ბაიდენმა გაიგო, რომ წინასწარი მონაცემებით აშშ-ის საპრეზიდენტო არჩევნებში გაიმარჯვა, ჩაინიშნა ბრიფინგი, რომელზეც ის მოსახლეობას მიმართავს.

დონალდ ტრამპი გახდა პირველი პრეზიდენტი 1992 წლის შემდეგ, რომელიც ამერიკელმა ხალხმა ხელმეორედ აღარ აირჩია.

გაიგეთ მეტი ჯო ბაიდენზე: