პრემიერმინისტრ გიორგი გახარიას განცხადებით, სახელისუფლებო გუნდი გამოხატვის თავისუფლებას არასდროს შეზღუდავს, თუმცა ამბობს, რომ აქციები ვირუსის გავრცელების მექანიზმია.

"ეს არ არის ჩვენი გამოგონება. ეს არის ეპიდემიოლოგების შეფასება და ჩვენ ყოველდღიურად ვხედავთ, როგორ ითარგმნება ეს ინფიცირებულების რადოენობის ზრდაში. რა თქმა უნდა, აქ პირდაპირი კავშირია. ჩვენ იძულებული ვიქნებით, გარკვეული ღონისძიებები მივიღოთ, თუმცა არა გამოხატვის თავისუფლების შეზღუდვის ნაწილში. ჩვენ გავაგრძელებთ წერტილოვან შეზღუდვებს იმისთვის, რომ შეძლებისდაგვარად მობილობა დაგავგდოთ", — განაცხადა გახარიამ იმედის ეთერში ჩართვისას.

31 ოქტომბრის საპარლამენტო არჩევნების შედეგებს ოპიზიცია არ აღიარებს და ქუჩაში საპროტესტო აქციებს მართავს. პარტიებმა საკანონმდებლო ორგანოში შესვლაზე უარი უკვე თქვეს. დიდი აქციაა დაგეგმილი კვირას, 8 ნოემბერს პარლამენტის შენობასთან, რუსთაველის გამზირზე. ისინი ხელახალი არჩევნების ჩატარებას მოითხოვენ.