სააპელაციო სასამართლომ უცვლელი დატოვა საქალაქო სასამართლოს გადაწყვეტილება, ნარკოდანაშაულში მსჯავრდებული ანტონ ჩეჩინისათვის 8 წლითა და 6 თვის ვადით თავისუფლების აღკვეთის შესახებ. გადაწყვეტილება სააპელაციო სასამართლომ ნინო ჩახნაშვილის, გიორგი კერატიშვილისა და პაატა სილაგაძის შემადგენლობით მიიღო.

ჩეჩინმა საბოლოო სიტყვით არ ისარგებლა. ის არც განაჩენის გამოცხადებას დაესწრო. — ინფორმაციას "პუბლიკა" ავრცელებს.

შეგახსენებთ, პროევროპულ აქციებში მონაწილეობისთვის, ნარკოდანაშაულის ბრალდებით დაკავებულ 26 წლის ანტონ ჩეჩინს მოსამართლე ჯვებე ნაჭყებიამ 8 წლითა და 6 თვით პატიმრობა მიუსაჯა.

მას ბრალი სისხლის სამართლის კოდექსის 260-ე მუხლოს მე-6 ნაწილით ჰქონდა წარდგენილი, რაც განსაკუთრებით დიდი ოდენობით ნარკოტიკული საშუალებების შეძენა-შენახვა, ტარებას გულისხმობდა და 8-დან 20 წლამდე ან უვადო თავისუფლების აღკვეთას ითვალისწინებდა.