საქართველოს ყოფილი პრეზიდენტი მიხეილ სააკაშვილი ცესკოს თანამშრომლებს მიმართავს. მისი თქმით, ვინც გამოვა და იტყვის ვინ გააყალბა არჩევნები იქნება ხელშეუხებელი და წახალისდება კიდეც.

"მინდა მივმართო საარჩევნო ადმინისტრაციაში გაყალბების უშუალო შემსრულებლებს, თქვენ რაც გააკეთეთ ეს არის მძიმე სისხლის სამართლის დანაშაული, მაგრამ გაძლევთ გარანტიას, დარწმუნებული ვარ ამას ყველა დაეთანხმება!
ყველა ვინც ახლა გამოვა და მოჰყვება იმას, თუ როგორ ხდებოდა გაყალბება, მოგეცემათ არა მხოლოდ სრული ხელშეუხებლობის გარანტიები, არამედ ყველანაირად წახალისდებით და იქნებით მხარდაჭერილი საქართველოს გარდამავალი ხელისუფლების მიერ და შემდეგი ხელისუფლებების მიერ... ამაში ვარ დარწმუნებული", — წერს სააკაშვილი.

31 ოქტმბრის არჩევნების ცესკოს გამოცხადებულ შედეგებს ოპოზიცია არ აღიარებს. პარტიებმა საკანონმდებლო ორგანოში შესვლაზე უარი უკვე თქვეს.

პარლამენტის არჩევნები წელს პირველად პროპორციულთან მიახლოებული, 120/30-ზე სისტემით გაიმართა.