ვაკის მეორე საოლქო კომისიასთან გამართულ აქციაზე შსს-მ ოთხი პირი დააკავა. მათ შორის ნაციონალური მოძრაობის წევრი, ზვიად კუპრავა.

შინაგან საქმეთა სამინისტროში On.ge-ს განუცხადეს, რომ გამოძიება ადმინისტრაციულ სამართალდარღვევათა კოდექსის 166-ე და 173-ე მუხლებით დაიწყო, რაც სამართალდამცავების მოთხოვნისადმი დაუმორჩილებლობასა და წვრილმან ხულიგნობას გულისხმობს.

თბილისის გარდა, საქართველოს სხვადასხვა ქალაქის საოლქო საარჩევნო კომისიებთან საპროტესტო აქციები მიმდინარეობს. 31 ოქტომბრის საპარლამენტო არჩევნების შედეგებს ოპოზიცია არ აღიარებს და ქუჩაში საპროტესტო აქციებს მართავს. პარტიებმა საკანონმდებლო ორგანოში შესვლაზე უარი უკვე თქვეს.