პარლამენტში სავალდებულო გენდერული კვოტის შემოღებას გამოკითხულ ქალების 48% უჭერს მხარს, ხოლო კაცების - 45 პროცენტი. მონაცემებს NDI აქვეყნებს.

ეროვნულ დემოკრატიული ინსტიტუტის ინფორმაციით, რესპოდენტებს პასუხის გაცემამდე გენდერული კვოტის განმარტება გააცნეს.

2016 წლის ნოემბერში სულ გამოკითხულთა 46% უჭერს მხარს პარლამენტში სავალდებულო გენდერული კვოტის შემოღებას, რაც 2015 წლის აპრილის მაჩვენებელზე 6 პროცენტით ნაკლებია.

პარლამენტში სავალდებულო გენდერული კვოტის შემოღებას მხარს არ უჭერს გამოკითხულთა 19%, მათგან 23% კაცია ხოლო 16% ქალი.

დღეს, 16 იანვარს, ეროვნულ-დემოკრატიულმა ინსტიტუტმა (NDI) და CRRC–საქართველომ 2016 წლის ნოემბერ-დეკემბერში ჩატარებული საზოგადოებრივი აზრის კვლევის შედეგების პირველი ნაწილი წარადგინა.

კვლევის საველე სამუშაოები ჩატარდა 4 ნოემბერი - 4 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 3,141 პირისპირ ინტერვიუს წარმომადგელობითი შერჩევის საფუძველზე.