ქვეყანაში ოპოზიციური პარტია არჩევნებთან დაკავშირებით უნდა რეაგირებდეს სამართლებრივად, ნაცვლად ამისა, ქვეყანაში არის არეულობა შესაბამისად არ უნდა გაგვიკვირდეს ვალუტის კურსი. ამის შესახებ, ვიცე პრემიერმა მაია ცქიტიშვილმა, საკოორდინაციო საბჭოზე განაცხადა.

"არჩევნები ჩატარდა ყველა საერთაშორისო ორგანიზაციის შეფასებით. ეს იყო კონკურენტული თავისუფალი და ღია არჩევნები. საერთაშორისო ორგანიზაციების მიერ არის მიჩნეული სრულიად ლეგიტიმურად. თუ არის რაიმე ხარვეზი ყველა საერთაშორისო ორგანიზაცია, ყველა პოლიტიკურ აქტორს მოუწოდებს, რომ ნებისმიერი დავა, ნებისმიერი უთანხმოება პოლიტიკურ პროცესთან დაკავშირებით სამართლებრივი გზით მოაგვარონ, რაც ნიშნავს იმას, რომ სამართლებრივად გასაჩივრდეს ცესკოში ოქმები, შემდგომში არის სასამართლო, რომელშიც, ასევე შეიძლება ყველაფერი გაკეთდეს და ნაცვლად ამ პროცესისა ვხედავთ, არეულობას და არ უნდა გაგვიკვირდეს ჩვენი ვალუტის კურსი, რომელიც რეაგირებს ამაზე", — განაცხადა ცქიტიშვილმა.

31 ოქტომბრის საპარლამენტო არჩევნებში ბარიერგადალახულმა რვავე ოპოზიციურმა პარტიამ მანდატებზე უარი თქვა. ისინი პარლამენტის ლეგიტიმურობას არ აღიარებენ და ამბობენ, რომ არჩევნების დღეს გაყალბების არაერთი შემთხვევა დაფიქსირდება.

10 ნოემბერს, ქვეყანაში ოქმების დათვლის პარალელურად, აქციები იმართებოდა რამდენიმე უბანზე. აქციებზე იყო დაპირისპირებები, სადაც ადამიანები დააკვეს.