თამაშები ყოველთვის არსებობდა: ადრე თუ ბავშვები ერთმანეთს ლახტში და ასკინკილაში ეჯიბრებოდნენ, დროთა განმავლობაში თამაშები ფორმითაც დაიხვეწა და შინაარსითაც.

რა არის ვიდეოთამაში?

სიტყვა ვიდეო ამ შემთხვევაში ისეთ ელექტრონულ მოწყობილობას გულისხმობს, რომელსაც შეუძლია 2 ან 3-განზომილებიანი გამოსახულების ასახვა და გადმოცემა. თავად ვიდეოთამაში ადამიანთან ინტერაქციულ კავშირს ითვალისწინებს. ელექტრონულ სამყაროში გვეძლევა შესაძლებლობა, ამბის მთავარი გმირი ჩვენს ჭკუაზე ვატაროთ, რაც კარგი გასართობია.

სანამ სრულყოფილ პერსონაჟებამდე ან დახვეწილ რეალისტურ გარემომდე მივიდოდით, ვიდეოთამაშები პრიმიტიული და მარტივი იყო, თუმცა ამას ჩვენი განწყობა ნამდვილად არ გაუფუჭებია და არც ღამეების თენებაში შეუშლია ხელი.

ტეტრისი

ფოტო: geek

ტეტრისი ალექსეი პოჟიტნოვმა შექმნა და 1984 წელს პირველად წარუდგინა ფართო საზოგადოებას რუსეთში. 1987 წლიდან ტეტრისი წარმატებული და მოთხოვნადი აღმოჩნდა ამერიკასა და ევროპაში. დღეს კი ეს თამაში ნამდვილ კლასიკად ითვლება.

Super mario

ფოტო: damnlag

Super Mario Brothers იაპონიაში 1985 წელს გამოჩნდა და რამდენიმე ათეული წლის მანძილზე ინარჩუნებდა საუკეთესო ვიდეოთამაშის ტიტულს. სუპერ მარიო კომერციულადაც მომგებიანი აღმოჩნდა და მსოფლიოში მისი 40 მილიონამდე ეგზემპლარი გაიყიდა. სულ ახლახან ნინტენდომ მარიო ისევ დააბრუნა აპლიკაციის სახით.

Snake

ფოტო: YouTube

Snake 1976 წელს შეიქმნა. მოთამაშის მიზანია, სხარტი მანევრირების საშუალებით გაზარდოს გველი ზომაში ისე, რომ უვნებელი დარჩეს და კედლებს არ დაეჯახოს. 1998 წლიდან ამ თამაშს ნოკიას ნებისმიერ მობილურში ნახავდით.

Crash Bandicoot

ფოტო: hardcoregamer

Crash Bandicoot ენდი გევინისა და ჯეისონ რუბინის მიერ შექმნილი ვიდეოთამაშების სერიაა, რომლის ექსკლუზივიც Sony PlayStation-ს ჰქონდა 1996-2001 წლებში. სულ 18 თამაშია არსებობდა და მსოფლიოში მათი 50 მილიონზე მეტი ეგზემპლარია გაყიდული. თამაშის მთავარი გმირი დოქტორი ნეო ქორტექსია, რომელსაც საკუთარი ქმნილების მოკვლა სურს.

Tekken

ფოტო: opiwiki

ტეკენი, ჩვენი თაობის საყვარელი საბრძოლო ვიდეოთამაში, კომპანია Namco-მ 1994 წელს გამოუშვა. 1995 წლიდან ტეკენით გართობა PlayStation პლატფორმაზეც შეიძლებოდა.

მსგავსი საკითხავი: 90-იანებში შექმნილი 16 ვიდეოთამაში, რომლებიც შეიძლება არ გახსოვდეთ