ამ დროის ინფრომაციით, ვენაში მომხდარი ტერაქტის დროს, საქართველოს მოქალაქეები არ დაშავებულან. ამის შესახებ, ავსტრიაში საქართველოს ელჩმა ქეთევან ციხელაშვილმა რუსთავი ორის ეთერში განაცხადა.

"რახან საფრთხე ისევ არსებობს, ფაქტობრივად სპეცოპერაცია, ისევ მიმდინარეობს და ვარაუდობენ, რომ მინიმუმ ერთი ტერორისტი იმყოფება მიმალვაში, მოვუწოდებ საქართველოს მოქალაქეებს, რომლებიც ვენაში იმყოფებიან დარჩნენ სახლში და თავი შეიკავონ ქალაქში გადაადგილებისგან. საბედნიეროდ არ გვაქვს ინფორმაცია იმასთან დაკავშირებით, რომ საქართველოს, რომელიმე მოქალქე იყოს დაშავებული. ჩვენ მივუთითეთ საქართველოს მოქალაქეებისთვის ცხელი ხაზი, რომელიც გუშინაც მუშაობდა", — განაცხადა ქეთევან ციხელაშვილმა.

გუშინ, ვენის ცენტრალურ ნაწილში ტერაქტი განხორციელდა. ამ დროისთვის დაღუპულია 4 ადამიანი და დაშავებულია 15.