პოლონეთის საგარეო სამინისტრო საქართველოში ჩატარებულ არჩევნებს გამოეხმაურა და აღნიშნა, რომ დარღვევების შესახებ დაწერილი ანგარიშები შემაშფოთებელია და სავარაუდოდ, 2016 წლის არჩევნებზე დარეგისტრირებულ დარღვევებს აღემატება.

"მოვუწოდებთ საქართველოს მთავრობას, სათანადო ყურადღებითა და ყველა წესის დაცვით შეისწავლოს თითოეული საჩივარი", — ნათქვამია განცხადებაში.

ამავე განცხადებაში ნათქვამია, რომ საჩივრების სათანადო შესწავლა მეორე ტურებისადმი ნდობასა და გამჭვირვალობას ხელს შეუწყობს.

ასევე, ნათქვამია, რომ პოლონეთი მხარს უჭერს საქართველოს ტერიტორიულ მთლიანობას საერთაშორისოდ აღიარებულ საზღვრებში და მის ევროატლანტიკურ მისწრაფებას.

განცხადებაში ნათქვამია ისიც, რომ პოლონეთის ეთანხმება ეუთო/ოდირის შეფასებას, რომ 31 ოქტომბრის არჩევნების ჩატარებისას საერთაშორისო სტანდარტები დაცული იყო.