სტრატეგია აღმაშენებლის წევრ თაკო ჩარკვიანს სურს იმ ოპოზიციონერის სახელი და გვარი, რომელიც საპარლამენტო მანდატს დათანმხდება რუსთაველის გამზირზე, აქციაზე გამოაცხადონ.

"მინდა მოვთხოვო ჩემს კოლეგებს, რომლებმაც კონსულტაციისთვის ითხოვეს ერთი დღე. ვთხოვოთ ერთხელ მაინც იყონ დიდსულოვნები და ერთად მივიღოთ ეს გადაწყვეტილება. არ შევდივართ? ესე იგი არ შევდივართ და თუ აღმოჩნდება ის ერთი თუ ორი, რა თქმა უნდა, არავინ არ შევრისხავთ, მაგრამ გვარი და სახელი რუსთაველზე გამოაცხადონ.

ამ წუთებში ოპოზიცია რუსთაველზე საპროტესტო აქციას მართავს. ცესკოს გამოცხადებულ შედეგებს შედეგებს ოპოზიცია არ აღიარებს. პარტიების ნაწილი ამბობს, რომ სადეპუტატო მანდატებზე უარს იტყვიან, რათა რიგგარეშე არჩევნები ჩატარდეს.

საპარლამენტო არჩევნები საქართველოში გუშინ, 31 ოქტომბერს ჩატარდა. პარლამენტის არჩევნები წელს პირველად პროპორციულთან მიახლოებული, 120/30-ზე სისტემით გაიმართა.