მთავარი არხის განცხადებით, მათი დაკვეთით ჩატარებული ეგზიტპოლის შედეგები სრულად დათვლილია და არსებული მონაცემებით, თბილისის ყველა ოლქში მეორე ტურია მოსალოდნელი, გლდანის გარდა, სადაც, მათი შედეგებით, მელია პირდაპირ იგებს.

მთაწმინდა-კრწანისი

შალვა შავგულიძე - ევროპული საქართველო 46%
ბექა ოდიშარია - ქართული ოცნება 35%

ვაკე:

ელენე ხოშტარია 47%
ნოდარ ტურძელაძე 33%

საბურთალო:

დავით სერგეენკო 35%
ალექსანდრე ელისაშვილი 21%
ბადრი ჯაფარიძე 19%

ისანი:

კახა კახიშვილი 35%
ხატია დეკანოიძე 32%
გიორგი ვაშაძე 19%

სამგორი:

ლევან ხაბეიშვილი 49%
სოზარ სუბარი 33%

დიდუბე-ჩუღურეთი

ზურაბ გირჩი ჯაფარიძე 35%
გია ვოლსკი 33%
ანა დოლიძე 16%

ნაძალადევი:

მიხეილ ყაველაშვილი 35%
შალვა ნათელაშვილი 33%

გლდანი

ნიკა მელია - 53%
ლევან კობიაშვილი 38%

მთავარი არხის ინფორმაციით, გამოკითხვა მთელი საქართველოს მასშტაბით ჩატარდა, პირისპირი ინტერვიუების სახით ჩატარდა და სულ გამოიკითხა 3 000 რესპონდენტი და ცდომილების ზღვარია +/-3%. კვლევა IPSOS საფრანგეთმა ჩაატარა.

რაც შეეხება პროპორციული სიის ეგზიტპოლის შედეგებს ოთხივე ტელევიზიის მონაცემების მიხედვით ქართული ოცნება ლიდერობს.

ეგზიტპოლების შესახებ

არჩევნების დღეს ეგზიტპოლები დამოუკიდებელმა ორგანიზაციებმა, მედიებმა და ISFED-მა ჩაატარეს. მათი შედეგები 8 საათზე გავრცელდა.

  • წელს არჩევნებზე ეგზიტპოლს ამერიკულ კომპანია Edison Research ტელეკომპანია ფორმულას დაკვეთით ატარებს.
  • მთავარი არხისთვის ეგზიტპოლებს ატარებს ფრანგული კომპანია IPSOS.
  • რუსთავი 2-სთვის ეგზიტპოლებს ბრიტანული კვლევითი კომპანია Survation ატარებს.
  • ტელეკომპანია იმედის დაკვეთით კი ეგზიტპოლებს ამერიკული კომპანია Public Opinion Strategies ატარებს.

არჩევნების დღეს ხმებს პარალელურად ითვლის არასამთავრობო ორგანიზაცია სამართლიანი არჩევნებისა და დემოკრატიის საერთაშორისო საზოგადოებაც (ISFED).

ედისონს საქართველოში სხვადასხვა დროს აქვს ეგზიტპოლი ჩატარებული. იუსტიციის სამინისტროს მიერ გამოქვეყნებული ინფორმაციით, IPSOS 2019 წელს ატარებდა კვლევას საქართველოში სასამართლო რეფორმების შესაფასებლად. Survation და Public Opinion Strategies კი საქართველოში ეგზიტპოლებს პირველად ატარებენ.