შინაგან საქმეთა სამინისტროს წარმომადგენლის, კახა მურადაშვილის განცხადებით, მანქანაში მოკლული კაცი, მარტო, სავარაუდოდ, გაჩერებულ მანქანაში იმყოფებოდა. ჟურნალისტებთან საუბრისას მურადაშვილმა თქვა, რომ ამ ეტაპზე, სხვა კითხვებზე პასუხის გაცემა გამოძიების მიმდინარეობას ხელს შეშლის და რომ განცხადებას მოგვიანებით გაავრცელებენ.

"ამჟამად ინტენსიური საგამოძიებო მოქმედებები მიმდინარეობს და ადგილზე ექსპერტ-კრიმინალისტები მუშაობენ. მარტო იყოფებოდა მანქანაში, გარდაცვლილია ერთი ადამიანი", — ამბობს კახა მურადაშვილი.

თბილისში, სარაჯიშვილზე კაცი ცეცხლსასროლი იარაღით მანქანაში, დღეს, 23 ოქტომბერს, მოკლეს.

შინაგან საქმეთა სამინისტროს ცნობით, საქმეზე გამოძიება 108-ე და 236-ე მუხლის მე-3 და მე-4 ნაწილით მიმდინარეობს, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებასა და განზრახ მკვლელობას გულისხმობს.