დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, თებერვლის თვიდან საერთო მაჩვენებელი მილიონ მოსახლეზე, ჯერჯერობით, კარგია, მაგრამ, მისივე თქმით, შიდა შუქნიშნის მიხედვით, საქართველო ნარინჯისფრიდან წითელ ზონაში გადავიდა.

"ბოლო 2 კვირის განმავლობაში 100 000 მოსახლეზე გვაქვს უკვე 26. ანუ, ჩვენი შიდა შუქნიშნის მიხედვით, ნარინჯისფრიდან წითელ ზონაში გადავედით. მეორე მაჩვენებლით, რასაც ევროპის დაავადებათა კონტროლის ცენტრი ითვლის, იქაც ავცილდით 300-ს, მაგრამ გვაქვს კარგი მაჩვენებელი ტესტირებაში, რაც საერთო ტესტი მილიონ მოსახლეზე 313-314 000-ია და ყოველდღიური 9-10 000-ის ფარგლებში", — განაცხადა გამყრელიძე.

23 ოქტომბრის მონაცემებით, საქართველოში კორონავირუსის 1 759 ახალი შემთხვევა გამოვლინდა. ამასთან 350 ადამიანი გამოჯანმრთელდა, ხოლო 5 გარდაიცვალა.

პანდემიის დაწყების დღიდან ქვეყანაში კორონავირუსის 24 562 შემთხვევა დაფიქსირდა. კარანტინის რეჟიმშია 4 408 ადამინია, სტაციონარში მეთვალყურეობის ქვეშ — 3 155, კოვიდ სასტუმროში იმყოფება 848 პირი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: