დღეიდან თბილისის მერიამ თბილისში პარკირების ადგილებზე მდგარი ავტოსატრანსპორტო საშუალებებიდან სამეწარმეო საქმიანობის მონიტორინგი დაიწყო. ამის შესახებ მერიის მიერ გავრცელებულ განცხადებაში წერია.

ავტოპარკინგებზე ვაჭრობის დაფიქსირების შემთხვევაში, პირველ ეტაპზე, მერიის წარმომადგენლები მფლობელებს გაფრთხილებას მისცემენ. საქმიანობის გაგრძელების შემთხვევაში, სამართალდამცველებს მიმართავენ.

თბილისში, პარკინგების ადგილებზე მდგარი მანქანებიდან სამეწარმეო საქმიანობა დედაქალაქის მთავრობის მიმართვის საფუძველზე საკრებულომ დაუშვებლად ცნო. შეზღუდვები 1 იანვრიდან ამოქმედდა.