TV პირველის დამფუძნებლის მამის, ავთანდილ წერეთლის მიმართ ფიზიკური ანგარიშსწორების მუქარასთან დაკავშირებით, საერთაშორისო გამჭვირვალობა-საქართველო (TI) სასწრაფო რეაგირებას ითხოვს. ორგანიზაცია სამართალდამცავ ორგანოებს დროულ და ეფექტურ გამოძიებისკენ მოუწოდებს და საზოგადოებისათვის შედეგების გაცნობის უზრუნველყოფას ითხოვს.

TV პირველის დამფუძნებლმა, ვატო წერეთელმა დღეს განაცხადა, რომ ორი პირი ღია საჯარო სივრცეში სიცოცხლის მოსპობით დაემუქრა მამამისს, თუ ის შვილის ტელეარხის სარედაქციო პოლიტიკას არ შეცვლიდა.

შინაგან საქმეთა სამინისტროში On.ge-ს განუცხადეს, რომ ავთანდილ წერეთელს უკვე დაუკავშირდნენ და ის მომხდარზე გამოიკითხება.