დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრი, ეკატერინე ტიკარაძე სასწრაფო დახმარების ბრიგადების დაგვიანების შესახებ გამოთქმულ პრეტენზიებს არაკორექტულს უწოდებს. ტიკარაძის განცხადებით, 112-ის ბრიგადებს 2-დან 3 საათამდე დაყოვნება აქვთ, რაც, მისივე თქმით, პანდემიის პერიოდში სრულიად ნორმალურია.

"ჩვეულებრივი ვირუსის დროს მსგავსი შემთხვევები გვქონია და ეს საგანგაშო კომპონენტს არ წარმოადგენს, რადგან ვირუსით დაავადებული ადამიანი არ არის კარდიოლოგიური და ნევროლოგიური სისტემით დაავადებული, რომელსაც 20 წუთში ესაჭიროება სასწრაფო ბრიგადის ადგილზე მისვლა", — განაცხადა ტიკარაძემ.

ჯანდაცვის მინისტრის განმარტებით, ეს არის გეგმიური პროცესი და ამ პერიოდის განმავლობაში ექიმები თავიანთი აღჭურვილობის ჩაცმას საჭიროებენ.

"ისინი სრული დატვირთვით მუშაობენ და აქედან გამომდინარე პრეტენზია სასწრაფო დახმარების მიმართ არაკორექტულია", — თქვა მან ეპიდვითარების შესახებ უწყებათშორისი საკოორდინაციო საბჭოს წევრების ბრიფინგზე.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: