საქართველოს მესამე პრეზიდენტის, მიხეილ სააკაშვილის თქმით, არჩევნების შემდეგ ბიძინა ივანიშილისთვის სპეციალურად გახსნის ჭორვილაში ერთდღიან საერთაშორისო აეროპორტს და რეისით ჭორვილა-მოსკოვი. ამის შესახებ სააკაშვილმა საჩხერეში ერთიანი ნაციონალური მოძრაობის მაჟორიტარობის კანდიდატის წარდგენაზე ვიდეომიმართვისას განაცხადა.

"მე მინდა ვთქვა, რომ არჩევნების შემდეგ საქართველოს აღარ დატოვებს რამდენიმე მილიონი ადამიანი, როგორც ეს უნდა ივანიშილს, საქართველოს დატოვებს ერთი ადამიანი. სპეციალურად გავხსნით ჭორვილაში ერთდღიან საერთაშორისო აეროპორტს და რეისი ჭორვილა-მოსკოვი ცალი მიმართულებით და ჩაბარდეს თავის პატრონს გაზპრომში და დაანებოს თავი საქართველოს და მის მოქალაქეებს", — განაცხადა ექსპრეზიდენტმა.

მისივე თქმით, თუ ქართული ოცნება არჩევნებში "გაუძვრება" ლარი დოლართან მიმართებით 5-ზე მეტი იქნება.