დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს დირექტორის, თენგიზ ცერცვაძის განცხადებით, ქვეყანა ახლა უკეთ უმკლავდება კოვიდ ინფექციას, ვიდრე გაზაფხულზე.

"ახლა ე.წ. ლოკდაუნის გარეშე, ყოველ დღე ათასობით ახალი პაციენტის მართვა, ისე რომ პაციენტების სიცოხლეს საფრთხე არ შეექმნას, ეს არის გაცილებით რთული, ვიდრე რაც იყო გაზაფხულზე. მაგრამ ეს ხორციელდება დამიჯერეთ დიდი წარმატებით", — განაცხადა ცერცვაძემ პრემიერმინისტრთან რეანიმატოლოგთა და კლინიკური ჯგუფის წევრების შეხვედრის შემდეგ გამართულ ბრიფინგზე.

19 ოქტომბრის მონაცემებით, საქართველოში კორონავირუსის 1 186 ახალი შემთხვევა გამოვლინდა, 278 პაციენტი გამოჯანმრთელდა, გარდაიცვალა — 7.

სულ ქვეყანაში 18 663 შემთხვევაა დაფიქსირებული. მათგან 8 338 პაციენტი გამოჯანმრთელდა, 143 — გარდაიცვალა. კარანტინის რეჟიმში 6 407 ადამიანია, სტაციონარში მეთვალყურეობის ქვეშ — 836; კოვიდ სასტუმროში — 1 420 პირია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: