"ბატონი გრიგოლი გეუბნებათ, დახურეთ თქვენი ტელევიზია და შეწყვიტეთ ერთი პარტიის პროპაგანდისტული არხობა", — ამის შესახებ ნაციონალური მოძრაობის ლიდერმა გრიგოლ ვაშაძემ იმედის ტელეჟურნალისტს განუცხადა.

როგორც იმედის მიერ გავრცელებულ ვიდეოში ჩანს, ჟურნალისტი ვაშაძისთვის ბათუმში ჩატარებულ აქციასთან დაკავშირებთი კითხვის დასხმა ცდილობდა და მას მიჰყვებოდა. რა დროსაც ისმის ვაშაძის სიტყვები:

"ეს ხალხი მომაშორე რა".

საბოლოოდ, ვაშაძე ჟურნალისტებს მიუბრუნდა და უთხრა, რომ უნდა დახურულიყვნენ.

16 ოქტომბერს კოვიდპანდემიის ფონზე ბათუმში ნაციონალურმა მოძრაობამ მრავალრიცხოვანი აქცია გამართა. აქციაზე არ იყო დაცული სოციალური დისტანცია და მოქალაქეებს პირბადეები არ ეკეთათ.

შეკრებილებს ექსპრეზიდენტმა, მიხეილ სააკაშვილმა მიმართა და ამტკიცებდა, რომ ხელისუფლებამ ბათუმში კოვიდინფექცია ხელოვნურად გაავრცელა. ის ხალხს დაპირდა, რომ მომავალში საქართველოს ვერცერთი ვირუსი მოერევა.

ჟურნალისტების კითხვაზე, იღებდა თუ არა ოპოზიცია პასუხისმგებლობა ბათუმში რეკომენდაციების გარეშე ჩატარებულ აქციაზე, პარტიის ლიდერმა, გრიგოლ ვაშაძემ უპასუხა:

"პასუხისმგებლობა აბსოლუტურად მთლიანად ეკისრება კორონავირუსს და შემიძლია მიგაგზავნოთ კორონავირუსთან".

სახალხო დამცველი ნინო ლომჯარიას თქმით, როცა გავრცელების კრიტიკულ მასშტაბს მიღწეულ რეგიონში შესაძლებელია უპირბადოდ, დისტანციის დაუცველად შეიკრიბოს ათასობით ადამიანი, ორგანიზატორების მხრიდან "უკიდურესი უპასუხისმგებლობა".

ამავე თემაზე: