ახალი ზელანდიის საპარლამენტო არჩევნებში პრემიერმინისტრი ჯასინდა არდერნის პარტიამ გაიმარჯვა.

არდერნის ლეიბორისტულმა პარტიამ მხარდაჭერის 49 პროცენტი მოიპოვა. წინასწარი მონაცემებით, პარტია პარლამენტში 120 ადგილიდან 64-ს დაიკავეს, რაც აშკარა უმრავლესობას წარმოადგენს. ოპოზიციურმა ნაციონალურმა პარტიამ, რომელმაც ხმების 27 პროცენტის მოიპოვა, თავისი დამარცხება აღიარა.

"50 წლის განმავლობაში მოსახლეობამ ლეიბორისტულ პარტიას ყველაზე დიდი მხარდაჭერა გამოუცხადა", — განაცხადა ჯასინდა არდერნმა.

ნაციონალური პარტიის ლიდერმა, ჯუდით კოლინსმა მოქმედ პრემიერმინისტრს გამარჯვება მიულოცა და განაცხადა, რომ მისი პარტია ძლიერ ოპონირებას გაუწევს.

"სამი წელი ერთი თვალის დახამხამებაში გავა. ჩვენ დავბრუნდებით", — განაცხადა მან.

თავდაპირველად არჩევნები სექტემბერში უნდა ჩატარებულიყო, თუმცა კორონავირუსის პანდემიის გამო ხმის მიცემა ერთი თვი გადაიდო.